Қалың түтін мен алапат өрт: Қытайдағы химиялық зауытта жойқын жарылыс болды (видео)

Бүгін таңертең Қытайдың оңтүстік-шығысындағы Цзянси провинциясындағы химиялық зауытта жарылыс болды. Зауыт қызметкерлері эвакуацияланып үлгерді, деп хабарлайды Қытай орталық телеарнасы.

Қытайлық БАҚ-тың хабарлауынша, Қытайдың оңтүстік-шығысындағы Цзянси провинциясының Гуйси округінде орналасқан Jiangxi Qiantai New Materials зауытында ірі жарылыс болған.

Қытай орталық телеарнасының ақпаратынша, зардап шеккендер жоқ.

БАҚ-тың ақпаратынша, жарылыстың себебі әзірге анықталған жоқ. Жарылыс түске жақын жергілікті уақытпен шамамен сағат 10:00-де болған.

Мәтіннен қате тапсаңыз, бізге жазыңыз