Twitter әлеуметтік желісінің логотипі өзгерді (фото)

Twitter логотипін өзгертті. Енді әлеуметтік желінің логотипіндегі көк құстың орнына латынның "Х" әрпі жарқырайды. Бұл өзгеріс туралы әлеуметтік желінің иесі Илон Маск хабарлады.

Twitter-дегі аккаунтында Илон Маск бірнеше сағат бұрын бір әріппен – "Х" деп жазба жариялады.

Кейінірек ол әлеуметтік желінің штаб-пәтерінің сыртында жаңа логотип бейнеленген фотоны жариялады.

"Бүгінгі біздің штаб-пәтер", – деп жазды ол фото сипаттамасына.

Енді әлеуметтік желіні қолданған кезде Twitter символы болған көк құстың орнына "Х" әрпі көрінеді.

Айта кетейік, бұған дейін Илон Маск Twitter әлеуметтік желісінің логотипін өзгерту жоспарланып отырғанын хабарлаған еді.

"Жақында біз ескі Twitter брендімен және біртіндеп барлық құспен қоштасамыз", – деп жазған еді ол.

Мәтіннен қате тапсаңыз, бізге жазыңыз