Top.Mail.Ru

Сайт нұсқасы

ru kz

Зектілері

Өзбекстан президентінің қызы Саида Мирзиеева әкесінің көмекшісі қызметіне тағайындалды

Опубликовано:

Саида Мирзиеева
Саида Мирзиеева. Фото: Saida Mirziyoyeva/Facebook

Өзбекстан президенті Шавкат Мирзиеев жеке әкімшілігінің жаңартылған құрамын бекітті. Оның үлкен қызы Саида Мирзиеева президенттің көмекшісі болып тағайындалды, деп хабарлайды Өзбекстан басшысының баспасөз хатшысы Шерзод Асадов Telegram арнасында.

"Өзбекстан Республикасы президентінің тиісті жарлықтарымен Мирзиеева Саида Шавкатовна Өзбекстан Республикасы президентінің көмекшісі қызметіне тағайындалды", – деп жазылған жазбада.

Еске салсақ, былтыр қарашада Өзбекстан басшысы Шавкат Мирзиеевтың үлкен қызы Саида Мирзиеева президент әкімшілігі атқарушы аппаратының коммуникациялар және ақпараттық саясат секторының меңгерушісі қызметіне тағайындалғаны туралы жазған едік.

2020 жылы ол АБКА орынбасары қызметінен кеткен болатын, кейін оның бастығы да қызметінен кеткен.

Өзбекстан президентінің үлкен қызы әлемдік экономика және дипломатия университетінің түлегі, Ташкент мемлекеттік заң университетінің және Ломоносов атындағы Мәскеу мемлекеттік университетінің магистрі, экономика ғылымының кандидаты.

2019-2020 жылдары ол президент әкімшілігі жанындағы Ақпарат және бұқаралық коммуникациялар агенттігі директорының орынбасары болған.

2022 жылдан бастап жаңа қызметіне дейін ұлттық бұқаралық ақпарат құралдарын қолдау және дамыту қорының қамқоршылық кеңесі төрағасының орынбасары қызметін атқарды.

Мақаланың түпнұсқасы: https://kaz.nur.kz/world/2034042-ozbekstan-prezidentinin-qyzy-saida-mirzieeva-onyn-komeksisi-qyzmetine-tagaiyndaldy/