Ауғанстандағы жер сілкінісі: зілзаладан қаза тапқандар саны 2 мыңнан асты
Жарияланған күні:
Ауғанстанда жер сілкінісі салдарынан қаза тапқандар саны 2 мыңнан асты. Тағы он мыңға жуық адам зілзаладан зардап шеккен, деп жазады KAZ.NUR.KZ РБК басылымына сілтеме жасап.
Ауғанстан Табиғи апаттар бойынша министрлігінің өкілі Мулла Джанан Саиктың хабарлауынша, жер сілкініс салдарынан 2053 адам қаза тапқан. Жер асты дүмпулерінен 9240 адам зардап шекті.
Сонымен қатар 1300-ден астам үй қираған немесе бүлінген.
Еске сала кетсек, Ауғанстанның батысында Иранмен шекарада магнитудасы 6,3 болатын жер сілкінісі тіркелді. Табиғи апат салдарынан кем дегенде 120 адам қаза тапқан, алайда құрбандар саны артуы мүмкін екені хабарланған болатын.
Жер сілкінісінің ошағы Герат қаласының батысында 40 км жерде болған. Жер асты дүмпулері жергілікті уақыт бойынша сағат 11:00-де басталған.
Мақаланың түпнұсқасы: https://kaz.nur.kz/world/2040076-auganstandagy-zer-silkinisi-zilzaladan-qaza-tapqandar-sany-2-mynnan-asty/
