Прага орталығында атыс болды: студент 15 адамды атып өлтірді

Прагадағы Карлов университеті территориясында болған атыстан 15 адам қаза тапты. Бұл туралы KAZ.NUR.KZ тілшісі чех полициясының Х-тегі хабарламасына сілтеме жасап хабарлайды.

Полиция 15 адам қаза болғанын және ондаған адам зардап шеккенін растады. Оқиға 21 қарашада Карлов университетінің территориясында болған. Оқиғаның видеолары мен суреттері тарап жатыр.

Прага полициясы атқыштың көзін жойғанын мәлімдеді. Ал сәл кейінірек атқыш өзіне қол жұмсағаны белгілі болды. Бұл туралы Прага мэрі хабарлады.

"Қазіргі уақытта біз 15-тен астам адамның қайтыс болғанын және ондаған адамның жарақат алғанын растай аламыз. Қазіргі уақытта бізде қылмыскердің қандай да бір террористік ұйыммен байланысы туралы ақпарат жоқ", - делінген хабарламада.

Сонымен қатар, полиция кейбір студенттер атыс кезінде оқу орнының аудиторияларында жасырынғанын айтты.

Кейін шыққан мәлімет бойынша, атқыш – Карлов университетінің студенті болған.

Чех әлеуметтік желілерінде атқыш делінген ер адамның суреті де жарияланып жатыр. Ол 24 жастағы студент Давид Козак болып шыққан. Ол 21 желтоқсанда таңғы уақытта тағы бір адамды өлтіргені белгілі болды.