Ресей АҚШ пен Ұлыбританияның Йеменге жасаған соққыларын айыптады

Ресей президентінің баспасөз хатшысы Дмитрий Песков АҚШ пен Ұлыбритания әскері Йемен аумағына жасаған зымыран соққыларына қатысты ел ұстанымын айтты, деп хабарлайды РБК.

Ресей АҚШ пен Ұлыбританияның Йеменге жасаған соққыларын айыптайды және оларды халықаралық құқық тұрғысынан заңсыз деп санайды, деді Владимир Путиннің баспасөз хатшысы Дмитрий Песков.

"Біз айыптаймыз", - деп мәлімдеді Песков журналистердің сауалына берген жауабында.

Еске салайық, жұмаға қараған түні АҚШ пен Ұлыбритания Йемендегі хуситтердің әскери нысандарына соққы жасаған. Хуситтер Иранның қолдауына ие бола отырып, таяуда Қызыл теңіздегі сауда кемелеріне шабуыл жасай бастаған. Бұдан кейін қақтығыс аймағындағы жағдай туралы жазған едік.

АҚШ пен Ұлыбританияның йемендік хуситтерге түнгі соққыларынан кейін мұнай құны өсіп кетті, бұл қақтығыстың өршуінен бүкіл аймақта өндіруге және тасымалдауға кедергі келтіруі мүмкін.

Мәтіннен қате тапсаңыз, бізге жазыңыз