Гарибашвили Грузияның премьер-министрі қызметінен кететінін мәлімдеді
Опубликовано:
Грузияның премьер-министрі Ираклий Гарибашвили қызметінен кететінін мәлімдеді. Бұл туралы РИА Новостиге сілтеме жасаған KAZ.NUR.KZ хабарлайды.
Басылымның ақпаратынша, премьер-министр бұл мәлімдемесін брифинг кезінде айтқан.
"Құрметті достар, мен бүгін премьер-министр қызметінен кететінімді хабарлаймын", - деді Гарибашвили.
"Имеди" телеарнасы бүгін Гарибашвилидің кетуі мүмкін екенін хабарлады. Бұқаралық ақпарат құралдарының мәліметінше, ол "Грузин арманы" партиясының жетекшісі Ираклий Кобахидземен қызмет ауыстырады.
Биліктегі мұндай ықтимал ауыс-түйіске грузиялық БАҚ өкілдері елде қазанның 26-сы күні өтетін парламенттік сайлаудың жақындауы себеп болып отыр деп есептейді.
Гарибашвили премьер-министр қызметін 2021 жылғы ақпан айынан бері атқарып келді. Бұдан бөлек ол 2013-2015 жылдары үкіметті басқарған еді.
Мақаланың түпнұсқасы: https://kaz.nur.kz/world/2058101-garibasvili-gruziyanyn-premer-ministri-qyzmetinen-ketetinin-malimdedi/
