Top.Mail.Ru

Сайт нұсқасы

ru kz

Зектілері

Новости русской службы Би-би-си

Израиль Рафахта операция бастады

Опубликовано:

Рафахтағы түнгі әскери операция кезі
Рафахтағы әскери операция. Көрнекі фото: Anadolu/Getty Images

Израиль қорғаныс күштері Израильдің әскери операциясы басталғаннан кейін Газа секторының солтүстік бөліктерін тастап кеткен бір жарым миллионға жуық адамды — бүкіл халықтың жартысынан астамы паналаған Рафах қаласына қарқынды әуе шабуылдарын жүргізіп жатыр.

Бұған қоса ЦАХАЛ 7 қазанда ХАМАС кепілге алған екі адамды босатқанын хабарлады. ЦАХАЛ-дың баспасөз атташесінің айтуынша, кепілге алынғандардың жағдайы "жақсы" және медициналық тексеруге ауруханаға жіберілген.

Израиль Газа секторының оңтүстігіне соққылар жасағанын мәлімдеді, ал ХАМАС бақылауындағы денсаулық сақтау министрлігі кемінде 67 адамның қаза тапқанын хабарлады.

Қаладағы куәгерлер Би-би-сиге түнде Рафахтың солтүстігі мен орталығындағы әуе шабуылдары жасалғанын айтты. Тұрғындардың айтуынша, шабуылға тікұшақтар мен қайықтар да тартылған.

Әлеуметтік желіде жарияланған мәлімдемеде ЦАХАЛ, Израильдің Шин-Бет қауіпсіздік агенттігі және Израиль полиция бірлесіп жүргізген түнгі операция кезінде Нир-Ицхактан кепілге алынған екі израильдік құтқарылғаны айтылған: Фернандо Симон Марман (60 жас) және Луис Хар (70 жаста).

Құтқарылған адамдар Израильдің орталығындағы "Шиба" медициналық орталығына жеткізілген.

ЦАХАЛ өкілі контр-адмирал Даниэл Хагаридің айтуынша, кепілге алынғандар Рафахтағы ғимараттың екінші қабатынан табылған.

Хагари Израиль әскерлері "көптеген лаңкестермен бір уақытта бірнеше жерде қарқынды атыс жүргізіп жатқанын" айтты.

Мақаланың түпнұсқасы: https://kaz.nur.kz/world/2060576-izrail-rafaxta-operaciya-bastady-kepilge-alyngan-eki-adam-bosatyldy/