Илон Маск Twitter-ді не үшін сатып алғанын түсіндірді

Америкалық миллиардер Илон Маск Х (бұрынғы Twitter) әлеуметтік желісін не үшін сатып алғанын түсіндірді. Ол осылайша "өркениеттің ықтимал өмір сүру ұзақтығын ұзартпақ, деп хабарлайды KAZ.NUR.KZ.

"Мен Twitter-ді өркениеттің өмір сүру ұзақтығын ұзарту үшін сатып алдым", - деп жазды Илон Маск X әлеуметтік желісінде. Мұны ол "Twitter-ді сатып алу миллиардердің өміріндегі ең маңызды шешім" деп пікір айтқан қолданушыға жауап ретінде жазған.

Еске салайық, қаңтар айының соңында Масктың Nueralink компаниясы адам миына чипті алғаш рет имплант жасады.

Илон Масктың Twitter-ді сатып алуы

Миллиардердің Twitter әлеуметтік желісін сатып алғаны 2022 жылдың қазан айының соңында белгілі болды. Көп ұзамай бұқаралық ақпарат құралдарында оның компания қызметкерлерін жаппай жұмыстан шығара бастағаны туралы жаңалықтар пайда болды, бірақ Масктың өзі мұны жоққа шығарды. Дегенмен көп ұзамай директорлар кеңесін таратып жіберді.

Біраз уақыттан кейін кәсіпкер Twitter-де верификация бағасын айына 8 доллар етіп белгілеуді ұсынды. Содан бастап көк белгілер ақылы бола бастады.

2022 жылдың желтоқсан айының басында әлеуметтік желінің иесі Twitter-де цензура туралы ақпаратты жария етті. Маск өзінің аккаунтында журналист Мэтт Таиббидің көптеген твиттерін жариялады. Ол компанияның ішкі файлдарының бір бөлігін жұртшылыққа жария еткен болатын.

Кейінірек кәсіпкер өзінің Twitter-дегі аккаунтында: "Твиттер басшысы қызметінен кетуім керек пе?" деген сауалнама жариялап, бас директор қызметінен кетуі мүмкін екенін айтты. Дауыс беру нәтижесі көрсеткендей, респонденттердің 57,5​​ пайызы оның компания басшылығынан кетуі керек деп келіскен.

Өткен жылдың мамыр айында Линда Яккарино Twitter-дің жаңа директоры болып тағайындалды.