Путин Ким Чен Ынға көлік сыйлады
Опубликовано:
КХДР басшысы Ким Чен Ынге Ресей президенті Владимир Путин Ресейде жасалған көлікті сыйға тартты.
18 ақпанда ресейлік тараптан берілген сыйлықты КХДР жұмысшылар партиясы орталық комитетінің хатшысы Пак Чон Чон мен партияның Орталық комитеті бөлім меңгерушісінің орынбасары, Солтүстік Корея лидерінің әпкесі Ким Йо Чен қабылдады.
Бұл туралы РИА Новости Солтүстік Кореяның Орталық телеграф агенттігіне сілтеме жасап хабарлады.
"КХДР Мемлекеттік істерінің төрағасы жолдас Ким Чен Ынға Ресей президенті Владимир Владимирович Путин Ресейде шығарылған жеке автокөлікті сыйға тартты", - делінген хабарламада.
Солтүстік Корея лидерінің әпкесі бұл сыйлық "қос ел басшыларының арасында қалыптасқан ерекше достықтың айқын көрсеткіші" екенін айтты.
Мақаланың түпнұсқасы: https://kaz.nur.kz/world/2061839-putin-kim-cen-ynga-kolik-syilady/
