"155 млн доллар жұмсаған": үндістандық миллиардер ұлының үйлену тойына арналған кешті дүркіретіп өткізді

Үндістанның ең бай адамдарының бірі Мукеш Амбани ұлының үйлену тойына арналған үш күндік кеш ұйымдастырып, әлемнің ең танымал адамдарын шақырды. Мұндай жаһандық тойға CNN-ге сілтеме жасап, KAZ.NUR.KZ шолу жасады.

Көктемнің алғашқы күндерінде Үндістанда әлемнің түкпір-түкпірінен келген қонақтар 155 млн АҚШ долларына бағаланған ең үлкен үйлену тойының құрметіне арналған кешке жиналды. Азияның ең бай кәсіпкері, байлығы Forbes 117 миллиард долларға бағаланған Мукеш Амбанидің ұлы Анант Амбани тағы бір миллиардер Радик Мерчанттың қызына үйленді.

Анант пен 29 жастағы қалыңдығы Радика Мерчанттың үйлену тойы 12 шілдеге жоспарланғанымен, той алдындағы кеш те одан кем түсіп жатқан жоқ.

Reuters агенттігінің хабарлауынша, қонақтарға 100-ге жуық аспаз дайындаған 500 тағам ұсынылды. Шақырылғандарға жоспарлау құжатының көшірмесі берілді.

Демалыс күндерінде өткен той алдындағы мерекелік кештер Джамнагар қаласында, Гуджарат штатының батысында өтті.

Мерекелік думанға Билл Гейтс сүйіктісі Пола Хердпен келді.

Бұл думан әлем жұлдыздарының ең сәнді тойларынан да басып озды. Оған Хиллари Клинтон, Билл Гейтс, Марк Цукерберг және басқа да көптеген танымал тұлғаларды қосқанда 1200 адам шақырылды. Бұл ретте Амбани отбасы шығындарды өз мойнына алды. Мысалы, қонақтарды Джамнагарға чартерлік рейстер мен паромдармен жеткізді.

Үйлену тойы үшін арнайы индуизм ғибадатхана кешені салынуда, ол кейінірек жұртшылық үшін ашық болатыны хабарланды.

Сәрсенбі күні Амбани отбасы 50 000-нан астам ауыл тұрғынына кешкі ас берді.

Тойда танымал әнші Рианна да бой көрсетті. Кейбір дереккөздердің айтуынша, өнер көрсеткені үшін оған 7 млн АҚШ доллары төленіпті.

Үнділік танымал актерлер де тыс қалмады: Салман Кхан, Рам Чаран, Шахрух Кхан және Амир Кхан үйлену тойының алдындағы кештерде өнер көрсетті.

Қонақтарға арналған дресс-код ережесі 9 бетке жазылған. Үш күн үшінде қонақтар 5 түрлі дресс-кодты ұстанған.