"Ішінде 550 адам болған": Канадада жолаушылары бар ұшақты найзағай соқты (видео)

Желіде әуеге көтерілген кезде ұшақты найзағай соққаны туралы видео пайда болды. Оқиға 3 наурыз күні Канадада болған, деп хабарлайды KAZ.NUR.KZ.

РИА Новости агенттігінің хабарлауынша, видеоны канадалық БАҚ жариялаған. Басылым Air Canada ұшағының Ванкуверден Лондонға қарай бағыт алғанын жазды.

Ұшаққа найзағай түскен сәттің видеосын оқиға куәгерлері түсіріп алған.

Кадрларда ұшақтың қараңғыда көтеріліп, бірнеше секундтан кейін найзағай соққаны көрінеді.

Басылым мәліметінше, Air Canada Boeing 777-300 ұшағы рейсті жалғастырғаны немесе ұшып шығу әуежайына оралғаны нақтыланбаған.

Ал Mash Telegram-арнасы төтенше жағдай кезінде ұшақта 550 жолаушы болғанын жазады.

Электр ұшқынының разрядына ұшырағаннан кейін ол әуедегі қозғалысын жалғастырды.

Жергілікті ұшқыштың айтуынша, әуе лайнерінде орнатылған найзағай сөндіретін арнайы жүйенің арқасында қайғылы жағдайдың алдын алу мүмкін болған, деп жазады басылым.