Рамзан Қадыровтың 16 жастағы ұлы университет кураторы атанды
Опубликовано:
Шешенстан басшысы Рамзан Қадыровтың 16 жастағы ұлы Адам Қадыров Путин атындағы Ресей арнайы жасақ университетінің кураторы болып тағайындалды, деп жазады "Риа новости" басылымы.
Бұл шешімін Рамзан Қадыров Гудерместегі университет базасында өткен тактикалық атыс жарысының ашылуында мәлімдеді.
"...Қымбатты бауырым, университет басшысы Байбетар Вайхановтың өтініші бойынша Адам Қадыровты Арнайы жасақ университеті кураторы етіп тағайындауды жөн көрдім, ол атақты университеттің қызметімен жақсы таныс, сондықтан жүктелген міндеттерді мінсіз атқарады деп сенемін", - деп жазды Қадыров Telegram-дағы арнасында.
Өткен жылғы қазанда Адам Қадыровқа Шешенстан Республикасының батыры атағы берілді.
Айта кетейік, бұған дейін Шешенстан басшысының 18 жастағы ұлы Ахмат Қадыров республиканың жастар ісі жөніндегі министрі болғанын жазған едік.
Мақаланың түпнұсқасы: https://kaz.nur.kz/world/2092694-ramzan-qadyrovtyng-16-zhastagy-uly-universitet-kuratory-atandy/
