Қырғызстанда жүк көлігі 29 баланы қағып кетті

Қырғызстанның Жалал-Абад облысы Созақ ауданында балмұздақ таситын жүк көлігі 29 баланы қағып кеткен. Оқиғаны жергілікті "Кабар" агенттігіне Денсаулық сақтау министрлігінің өкілдері растаған.

Оқиға 2 мамырда сағат 13:30-да болған. Ведомство мәліметінше, зардап шеккендер 9-дан 16 жасқа дейінгілер.

Қазіргі уақытта ауруханаға 7 бала жатқызылған, олар жансақтау бөлімінде. Үшеуінің жағдайы ауыр деп бағаланған. Созақ аудандық ауруханасында 3 бала, жалпы дәрігерлік практикасы орталығына 8 бала жатқызылды. Олардың жағдайы орташа ауырлық дәрежесі ретінде бағаланады.

Төтенше жағдай орнында 11 балаға көмек көрсетілді, оларды амбулаториялық емдеуге жіберді.

Денсаулық сақтау министрі Алымқадыр Бейшеналиев зардап шеккендерге көмек көрсету мәселесін жеке бақылауға алып, оларға сапалы медициналық көмек пен дәрі-дәрмекпен қамтамасыз етуді тапсырды.

Kaktus.media оқиға орнында түсірілген видеоны жариялады. Ескерту: видеода қорқыныш туғызатын кадрлар бар.