49,9 градус ыстық: Үндістанда ауа температурасының рекордтық көрсеткіші тіркелді
Жарияланған күні:
Үндістандағы ауа температурасы рекордтық көрсеткіш 49,9°С-қа жетті. Бұл синоптиктер күткен болжамнан 9 градусқа жоғары, деп хабарлайды The Guardian басылымына сілтеме жасаған KAZ.NUR.KZ.
Үндістанда ауа температурасы рекордтық көрсеткішке көтеріліп, 49,9°C болды. Осыған байланысты ел билігі су тапшылығы болатынын ескертті.
Үндістанның метеорологиялық департаменті өкілдері 29 мамырда тіркелген ауа температурасы болжамды межеден тоғыз градус жоғары екенін айтты.
Шенеуніктер аптап ыстық сәбилердің, қарттардың және созылмалы ауруы бар адамдардың денсаулығына кері әсер етуі мүмкін екенін ескертті.
Үндістан астанасы Нью-Дели билігі аптап ыстықтан қалада қол жетімді су қоры таусылуы мүмкін екенін жеткізді. Су министрі Атиши Марлена ұжымдық жауапкершілікке шақырып, азаматтардан суды ысырапсыз пайдалануға шақырды.
Басылым мәліметінше, кейбір аудандарда су беру күніне екі реттен бір ретке дейін қысқарды.
Мақаланың түпнұсқасы: https://kaz.nur.kz/world/2108856-49-9-gradus-ystyq-undistanda-aua-temperaturasynyng-rekordtyq-korsetkishi-tirkeldi/
