Барак Обама сахнада "қатып тұрып қалған" Джо Байденді ертіп әкетті (видео)

Желіде АҚШ-тың бұрынғы президенті Барак Обаманың сахнада тұрып қалған қазіргі президент Джо Байденді ертіп кетіп бара жатқан видеосы тарады.

Видеоны New York Post жариялады. Бұл жайт өткен сенбіде Лос-Анджелесте сайлауалды науқанға қаржы жинау кезінде болған.

Ыңғайсыз жағдай Байден мен Обаманың жүргізуші Джимми Киммелге театр сахнасында 45 минут сұқбат бергеннен кейін болған.

Видеожазбадан Джо Байденнің көрермендер қол шапалақтап тұрған кезде сахнада бір нүктеге қарап тұрып қалғаны, сосын оны Барак Обама білегінен ұстап, ертіп алып кеткенін көреміз.

Авторлар осыдан бірнеше күн бұрын АҚШ президенті Апулиядағы G7 саммитінде осындай қылық көрсеткенін атап өтті. Италияда да Байден таңғалғандай не болмаса қайда тұрғанын түсінбей тұрғандайдай тұрып қалған. Ол сәт те видеоға түсіп қалған.

Мәтіннен қате тапсаңыз, бізге жазыңыз