Дағыстанда үш күн қатарынан қаралы күн жарияланды

Дағыстанда 24-26 маусым аза тұту күні болып жарияланды. Тиісті жарлыққа аймақ басшысы Сергей Меликов қол қойды, деп хабарлайды оның Telegram-дағы арнасына сілтеме жасаған KAZ.NUR.KZ.

Аза тұту күндері Дағыстан Республикасының барлық аумағында мемлекеттік ту түсіріледі.

Дағыстанда орналасқан мәдени мекемелер мен телерадиокомпаниялар барлық ойын-сауық бағдарламаны тоқтатады.

️"Дағыстан үкіметіне қаза болғандар мен зардап шеккендердің отбасыларына көмек көрсету бойынша қажетті шаралар қабылдау тапсырылды", - делінген хабарламада.

Еске сала кетейік, 24 маусымға қараған түні Махачкала мен Дербентте террористік шабуылдар жасалған. Салдарынан 15-тен астам полиция қызметкері мен бірнеше бейбіт тұрғын қаза тапты.

Мәтіннен қате тапсаңыз, бізге жазыңыз