Ассанж тыңшылық жасады деген айыпты мойындап, бостандыққа шықты

WikiLeaks сайтының негізін қалаушы Джулиан Ассанж америкалық сотта әскери құпияны жариялағаны үшін кінәсін мойындады, содан кейін ол АҚШ билігімен осыған дейінгі келісімдерге сәйкес босатылды.

Отырыс Ассанж Лондоннан келген Тынық мұхитындағы Сайпан аралындағы Солтүстік Мариан аралдарының (АҚШ аумағы) федералды округтік сотында өтті. Ол жаққа Ассанж Лондоннан ұшып барған.

Судья Рамона Манглона кінәсін мойындағаннан кейін Ассанждың Лондондағы қатаң режимдегі "Белмарш" түрмесінде өткізген 62 айын жазасын өтеу мерзіміне санау "әділ және орынды" болатынын айтты.

Ұзақ мерзімге бас бостандығынан айыру қаупін төндірген аса ауыр айыптар алынып тасталды.

"Сіз бұл сот залынан еркін адам ретінде шыға аласыз", - деді сот отырысының соңында судья.

Ассанжға қарсы іс тоқтатылды, Америка билігі де экстрадициялау туралы өтінішін қайтарып алды.

Джулиан Ассанж дүйсенбі күні "Белмарш" түрмесінен босатылып, жеке ұшақпен әуелі Бангкокқа, одан Солтүстік Мариана аралдарына ұшты.

АҚШ прокурорлары Сайпандағы судьядан Ассанж кінәсін мойындаған соң дереу сот тыңдауын өткізіп, үкім шығаруды сұрады.

WikiLeaks сайтының хабарлауынша, Ассанж жақын арада Аустралия астанасы Канберраға ұшады.

Мәтіннен қате тапсаңыз, бізге жазыңыз