Кир Стармер: Ұлыбританияның жаңа премьер-министрі туралы не білеміз

Лейбористер лидері Кир Стармер Ұлыбританияның жаңа премьер-министрі болады. Ол басқаратын лейбористер партиясы жалпы сайлауда жеңіске жетті.

Төрт жыл бұрын сэр Кир солшыл саясаткер, лейборист көшбасшысы Джереми Корбиннің орнына келді. Сол сәттен бастап оның басты міндеті партияны центристік позициясын қайтарып, осылайша партияны сайлауға қатысатын дәрежеге жеткізу болды.

Лейбористер 14 жыл бойы оппозицияда болды.

Саясатқа келгенге дейінгі мансап

Кир Стармер партияға әріптестеріне қарағанда кеш, 50 жастан асқан шағында депутат болды: оған дейін заңгерлік мансабын жасады.

Алайда оны үнемі саясат қызықтырған, жас кезінде ол радикалды солшыл идеяларды ұстанған.

Стармер 1962 жылы Лондонда дүниеге келген, кейін оның отбасы Сарриге көшкен.

2008 жылы Кир Стармер Корольдік прокуратура қызметінің директоры болып тағайындалған, яғни ол Англия мен Уэльстегі аға прокурор болған. Ол бұл қызметті 2013 жылға дейін атқарған, 2014 жылы рыцарь атағын алып, сэр болды.

Сэр Кир қалай лейбористер көшбасшысы болды

Кир Стармер 2015 жылы Лондондағы Холборн және Сент Панкрас сайлау округінен қауымдар палатасына сайланды.

Ол кезде Лейбористік партия әсіре солшыл саясаткер Джереми Корбиннің жетекшілігімен оппозицияда болды.

2019 жылы соңғы жалпы сайлаудан кейін Кир Стармердің Лейбористік партияның көшбасшысы атанды.

Сэр Кейр солшылдар жақтан сөйлеп, партия мүшелеріне электр және су компаниялары мәселелерін көтеріп, университет студенттеріне тегін білім беруді жақтады.

Алайда көшбасшы болғаннан кейін сэр Кейр Джереми Корбинді парламенттік Лейбористтік партиядан аластатты, бұған антисемитизмге қатысты жанжал себеп болған.

Кир Стармер партияны сайлауға қатыса алтындай дәрежеге жеткізді.

Мәтіннен қате тапсаңыз, бізге жазыңыз