Тегеранда ХАМАС саяси бюросының басшысы қаза тапты

Тегеранда ХАМАС қозғалысы саяси бюросының басшысы Исмаил Хания шабуыл кезінде көз жұмды. Бұл ақпаратты Ислам революциясы сақшылары корпусы растады, деп хабарлайды, РИА Новостиге сілтеме жасаған KAZ.NUR.KZ.

Палестина ақпарат құралдарының мәліметінше, Хания Иран астанасындағы резиденциясына жасалған шабуылда қаза болды.

ХАМАС саяси бюросы жетекшісінің өліміне қатысты мәлімдеме жасаған.

Сондай-ақ оның бір оққағарының қаза тапқаны хабарланды.

Басылымның хабарлауынша, ХАМАС қозғалысы да ресми мәлімдемеде Саяси бюро басшысының қаза болғанын мойындаған.

Кеше, 30 шілдеде Израиль әскері Бейрутке шабуыл жасаған еді. Израильдік бейбіт тұрғындарды өлтірді деп айыпталған "Хезболла" командиріне қарсы шабуыл жасалды деген болжам бар.

Бұған дейін BBC орыс қызметі Израиль басып алған Голан жоталарына зымыран шабуылдары салдарынан 12 адам қаза тапқанын хабарлаған еді. Зардап шеккендердің көбі балалар мен жасөспірімдер деп болжанып отыр.

Кейін Израиль футбол алаңындағы өлімге Ливандағы "Хезболлаға" қарсы соққылармен жауап берді.