Ливан тарабы Израиль соққыларынан сегіз адам қаза тапқанын хабарлады

Ливан тарабы 23 тамызда Израиль елдің оңтүстік бөлігіндегі елдімекендерге бірнеше рет соққы жасағанын мәлімдеді, деп хабарлайды РИА Новостиге сілтеме жасаған NUR.KZ.

Басылым мәліметінше, шабуыл жауынгерлік ұшақтар мен ұшқышсыз ұшу аппараттары арқылы жасалған.

"Жұма күні таңертеңнен бері Израильдің Ливанның оңтүстігіне жасаған соққылары салдарынан сегіз адам қаза тауып, үш адам жараланды", - деп мәлімдеді Ливанның Денсаулық сақтау министрлігі.

Басылымның ведомство өкілдеріне сілтеме жасап жазуынша, қаза болғандар арасында бір бала бар.

Әзірге Израиль тарабы бұл жағдайға қатысты ешқандай түсінік берген жоқ.

Ливандық "Хезболла" қозғалысының баспасөз қызметі жұмада алты жауынгер қаза тапқанын хабарлады. Олардың мәліметінше, Израиль армиясына қарсы 11 әскери операция жүргізілген, соның ішінде шекарадағы ЦАХАЛ бекіністері мен объективті шекаралық бақылау жүйелеріне шабуыл жасалған.