12 қылмыс бойынша айып тағылған: Франция прокуратурасы Дуровтың ісіне қатысты пікір білдірді

Франция прокуратурасы бірнеше күн бұрын Парижде ұсталған Павел Дуровтың ісіне қатысты тың дерек ұсынды. Қазіргі уақытта кәсіпкер тұтқында отыр.

Дуров 28 тамызға дейін қамауда отыруы мүмкін, деп хабарлайды РИА Новости Париж прокуратурасына сілтеме жасап. Ведомство Дуровқа қарсы іс 8 шілде ашылғанын, оған 12 қылмыс бойынша айып тағылғанын хабарлады.

Ал РБК ақпараты бойынша, осы айыптаулардың ішінде билікпен ынтымақтастықтан бас тарту, кәмелетке толмағандардың порнографиялық бейнелерін сақтауға және таратуға қатысу, есірткі заттарын сатып алуға, тасымалдауға, сақтауға, сатуға немесе беруге қатысу, ұйымдасқан топ құрамындағы алаяқтыққа қатысу, сондай-ақ криптовалюта құралдарын пайдалану бар.

Еске салсақ, Telegram мессенджерінің негізін қалаушы Павел Дуров Францияда қамауға алынғанын хабарладық.

Франциядағы БАҚ өкілдерінің мәліметінше, Telegram-дың негізін қалаушы және бас директоры жеке ұшағынан шығып бара жатқан жерінде ұсталған.

Кейін франциялық БАҚ 24 тамызда Францияда ұсталған Telegram негізін қалаушы Павел Дуровты қамауда ұстау мерзімі ұзартылғанын мәлімдеді.

Мәтіннен қате тапсаңыз, бізге жазыңыз