Қырғызстан "Талибанды" тыйым салынған ұйымдар тізімінен шығарғанын мәлімдеді

Қырғызстан Сыртқы істер министрлігі мәлімдегендей, Қырғызстан "Талибан" қозғалысын тыйым салынған ұйымдар тізімінен алып тастады, деп хабарлайды KAZ.NUR.KZ Kazinform-ға сілтеме жасап.

"Елдің құзырлы мемлекеттік органдары мұқият қарап, жан-жақты бағалау жүргізгеннен кейін "Талибан" қозғалысын Қырғызстанда тыйым салынған ұйымдар тізімінен шығару туралы шешім қабылданды", - деп хабарлады елдің Сыртқы істер министрлігінен.

Атап өткендей, бұл шешім өңірлік тұрақтылықты нығайтуға және диалогты қолдауға бағытталған.

"Қырғызстан Ауғанстанда және тұтастай алғанда аймақта тұрақты және бейбіт ортаны қамтамасыз етуге бағытталған халықаралық қауымдастықтың күш-жігерін қолдауға дайын", - делінген ведомство хабарламасында.

Осыған дейін Қазақстан "Талибанды" елде тыйым салынған ұйымдар тізімінен шығарған болатын.

Мәтіннен қате тапсаңыз, бізге жазыңыз