Харрис Трампты ең төменгі жалақыны көтеруді қолдаудан бас тартқаны үшін сынға алды

АҚШ вице-президенті, Демократиялық партиядан президенттікке үміткер Камала Харрис Мичиганда сөйлеген сөзінде Дональд Трампты сынға алды. Бұл туралы "РИА Новостиге" сілтеме жасаған KAZ.NUR.KZ хабарлайды.

Харрис сайлау науқаны аясында сөз сөйледі.

Бір шарада саясаткер бұрынғы президент және республикалық партиядан президентікке үміткер Дональд Трампты ең төменгі жалақыны көтеруді қолдаудан бас тартқаны үшін сынап, бұл бастаманың миллиондаған америкалық үшін маңызды екенін атап өтті.

"Дональд Трамп екеуіміздің арамызда көптеген айырмашылық бар, соның ішінде осы мәселе де бар. Мен ең төменгі жалақыны көтеру керек екеніне сенімдімін. McDonald 's немесе басқа жерде болсын, жұмысшылар өз қажеттіліктерін қанағаттандыруға мүмкіндік беретін жағдайларда өз отбасын және өзін қамтамасыз ете алуы керек", - деді Харрис.

Ол сондай-ақ оның қарсыласы әлеуметтік қамсыздандыру бағдарламасына теріс қарайтынын атап өтті.

Харристің пікірінше, Трамп жұмыс істейтін америкалықтардың қажеттілігін түсінбейді.

Мәтіннен қате тапсаңыз, бізге жазыңыз