Зеленский "make Russia small again" деген жазуы бар футболка киіп, үндеу жасады (видео)

Украина президенті Владимир Зеленский халыққа кезекті үндеуін жасады – кадрда Украина басшысы арандатушылық жазуы бар футболка киіп отырғанын байқауға болады.

23 қазан кешке Украина президенті кеңсесінің Telegram-дағы арнасында Зеленскийдің дәстүрлі кешкі үндеуі жарияланды.

Украина президентінің "make Russia small again" (Ресейді қайтадан кішірейтейік) деген жазуы бар футболкасы көпшіліктің назарын аударды.

Онда 1462 жылы Мәскеу, Суздаль және Вологда кірген Мәскеу княздігінің картасы бейнеленген.

Зеленскийдің көпшілік алдына мұндай киіммен шығуы Ресей Сыртқы істер министрлігінің назарынан тыс қалмаған. Бұл туралы Ресей сыртқы істер ведомствосының ресми өкілі Мария Захарова Telegram-дағы арнасында жазба жариялады.

"Қандай кішкентай? КСРО? Ресей империясы? О, түсіндім! Киев Русі сияқты. Ол үшін бізге Киев керек", - деп жазды ол.