АҚШ-тағы президент сайлауы: WSJ сауалнамасы бойынша Трамп Харристен екі пайызға озып тұр
Жарияланған күні:
АҚШ президенттігіне үміткер Дональд Трамп сауалнама нәтижесінде елдің вице-президенті Камала Харристен екі пайызға озып тұр. Бұл сауалнаманы АҚШ сайлауы қарсаңында The Wall Street Journal жүргізген.
Сауалнамаға қатысқан америкалықтардың 47 пайызы республикашыл кандидатқа дауыс беруге дайын. 45 пайызы демократ ретінде ұсынылған Харриске дауыс беруге дайын.
Тамыз айындағы сауалнамада Харрис көш бастап тұрғаны атап өтілді. Ол кезде Харрис бұрынғы президенттен дәл осындай 2 пайызға озып тұрған еді.
Еске салсақ, алдын ала сауалнамада Трамп пен Харрис тең дауыс жинағанын хабарлаған едік.
Вашингтон Пост-Шар мектебінің дүйсенбіде жарияланған сауалнамасы екі үміткердің Аризона, Джорджия, Мичиган, Невада, Солтүстік Каролина, Пенсильвания және Висконсин штаттарында тең екенін көрсетті.
Ұлттық деңгейдегі сауалнама бойынша Трамп пен Харрис 47 пайыз тең дауыс жинаған. Кейінгі апталарда жүргізілген сауалнамалардың көпшілігі Харриске сәл басымдық берілгенін айтылды.
Мақаланың түпнұсқасы: https://kaz.nur.kz/world/2178278-aqsh-tagy-prezident-sailauy-wsj-saualnamasy-boiynsha-tramp-harristen-eki-paiyzga-ozyp-tur/
