Трамп президент сайлауында жеңіске жеткенін мәлімдеді

Республикашыл Дональд Трамп АҚШ-тағы президент сайлауында жеңіске жеткенін жариялады. Ол Флоридадағы жақтастарына "Американың алтын ғасыры" болатынын уәде етті, деп хабарлайды CNN арнасына сілтеме жасаған KAZ.NUR.KZ.

"Мен Америка халқына 47-ші және 45-ші президенті болып сайлану құрметіне ие болғаным үшін алғыс айтқым келеді", - деді ол Флоридадағы жақтастарына.

Трамп "Америка үшін алтын ғасыр" болды деп уәде берді.

"Балаларымыз және сіз үшін лайықты, қауіпсіз және гүлденген Американы құрмайынша мен тыныштық таппаймын. Бұл шынымен Американың алтын ғасыры болады", - деді ол.

Айта кетейік, Fox News телеарнасының алдын ала мәліметі бойынша, Дональд Трамп АҚШ президенті болып сайлану үшін қажетті 270-тен астам дауыс жинап, қарсыласы Камала Харристі басып озды. Бұған дейін республикашыл кандидат "құбылмалы" штаттарда көш бастады.

АҚШ бойынша барлық сайлау учаскесі жабылды.

Еске салайық, АҚШ-та президент сайлауы 5 қарашада Астана уақыты бойынша сағат 16:00-де және жергілікті уақыт бойынша 06:00-де басталды. Бұл сайлау ел тарихындағы 60-президент сайлауы болып отыр. АҚШ-та 47-президент сайланады.

АҚШ-тағы президент сайлауының алғашқы нәтижелері жарияланды.

Бұған дейін АҚШ-та дауыс беру басталғанын, Трамп та, Харрис те жеңіске жететініне сенімді екенін жазан едік.

Кейін АҚШ-тың келесі президентін ұлықтау рәсімі қашан өтетіні белгілі болды.