Пашинян билікке келгелі алғаш рет сақал-мұртын қырды (видео)
Жарияланған күні:
Армения премьер-министрі Никол Пашинян билікке келгелі бері алғаш рет сақал-мұртын қырды. Бұл туралы KAZ.NUR.KZ хабарлады.
Саясаткер қырынғаннан кейін түсірген видеоны өзінің жеке телеграм-арнасына жариялады.
"Сәлем, ақ шалған сақал", - деп жазды Пашинян.
Монтаждалған кадрларда премьер сүлгіні бетіне басып тұрып, кейін оны алған уақытта жаңа ғана қырынғаны көрінеді. Видео соңында Пашинян камераға қарап, көзін қысады.
Саясаткер имиджін неге өзгерткенін түсіндірмеді.
2018 жылғы көктемде Арменияда билік ауысып, премьер-министр болып сайланған уақыттан бері Никол Пашинян сақал-мұртын қырмаған.
Автор: Талғат Дүйсенбек
Мақаланың түпнұсқасы: https://kaz.nur.kz/world/2187882-pashinian-bilikke-kelgeli-algash-ret-saqal-murtyn-qyrdy-video/
