Трамп Маскпен бірге Starship зымыранының ұшырылу сәтін бақылады (видео)

АҚШ-тың жаңадан сайланған президенті Дональд Трамп SpaceX бас директоры Илон Маскпен бірге Starship зымыранының ұшырылуын тамашалады – саясаткер ұшыру алаңына келді. Бұл туралы KAZ.NUR.KZ хабарлайды.

Truth Social әлеуметтік желісінде Трамп Техасқа бара жатқанын жазды.

"Мен Техастың ұлы штатына ғарышқа ғана емес, тіпті жерден көтерілген ең үлкен нысанның ұшырылғанын тамашалау үшін бара жатырмын. Илон Маск пен осы керемет жобаға қатысушы ұлы патриоттарға сәттілік!" - деді Трамп.

CNBC мәліметтері бойынша, SpaceX белгілі тұлғаларды зымырандары ұшыруға шақырады. Трамп компанияның іс-шараларына бұған дейін де қатысқан.

Сейсенбіде Starship зымыраны осымен алтыншы рет ұшырылды. Кеме Браунсвилл маңындағы жеке Starbase базасынан ұшырылды – бортта ешкім болған жоқ.

SpaceX Super Heavy тасығыш-зымыранын Starship-тен бөлінгеннен кейін қайтарып, оны компанияның ұшыру мұнарасының кронштейндеріне қондыруды көздеген.

Бірақ компания өкілдері интернет-трансляция барысында зымыран-тасығыш "бекіту критерийлерінен" өтпегенін, сондықтан Мексика шығанағына құлағанын хабарлады.

Мәтіннен қате тапсаңыз, бізге жазыңыз