Сириялық көтерісшілер Дамаск астанасын басып алып, жеңісін жариялады

Сирияның қарулы оппозициясы ел астанасы Дамаск қаласын басып алғанын және президент Башар Асадтың елден қашқанын мәлімдеді. Бұл туралы Аljazeera басылымына сілтеме жасаған KAZ.NUR.KZ хабарлайды.

Сириялық оппозиция күштері мемлекеттік телеарна мен Дамаск радиосы арқылы эфирге шығып, президент Башар Асад режимін құлатқанын және саяси тұтқындарды босатқанын хабарлады.

"Сирия, еркін және мақтан тұтар ел жасасын! Сектасына қарамастан барлық сириялық үшін!" – деп мәлімдеді көтерілісшілер.

Командир Хаят Тахрир аш-Шам Әбу Мұхаммед әл-Жулани барлық мемлекеттік мекемелер ресми түрде тапсырылғанша премьер-министр Мұхаммед Ғази әл-Жалали бақылауында болатынын айтты. Ол мәлімдемесінде оппозиция 8 желтоқсанды "жаңа дәуірдің бастамасы" деп атап, "жаңа Сирия" барлық сириялықтардың "бейбіт мекеніне" айналатынын жеткізді.

Бұл мәлімдеме оппозициялық топтардың жылдам шабуылмен бірнеше қаланы басып алғаннан кейін жасалды. Мұхаммед Ғази әл-Жалали халық сайлаған кез келген үкіметпен ынтымақтасуға дайын екенін білдірді.