Сирияда Башар Асадтың әкесінің кесенесі өртелді (видео)
Опубликовано:
Сирияда бүлікшілер биліктен тайдырылған президент Башар Асадтың әкесінің кесенесін бүлдіріп, қабірін өртеп жіберді. Интернетте видео мен сурет тарады. Бұл туралы KAZ.NUR.KZ DW басылымына сілтеме жасай отырып хабарлайды.
Мәліметтерге қарағанда, қарулы бүлікшілер тастан қаланған үлкен кесенеге Сирия оппозициясының туын алып кірді. Олар ғимараттағы әйнектерді сындырып, Хафез Асад моласына от қойды. Ішінде тұрған табытты далаға алып шығып, оны да өртеп жіберді.
Кеңсесі Ұлыбританияда орналасқан Сирия адам құқықтары жөніндегі обсерваториясы (SOHR) мәліметті растады, деп хабарлайды Euronews.
БАҚ мәліметінше, Башар Асадтың әкесі Хафез Асад 1930 жылы Жерорта теңізі жағалауындағы Латакия қаласы маңындағы Кардаха ауылында туған. Хафез Асад елді отыз жыл бойы әскер күшімен ұстаған. Ол билікке 1970 жылы төңкеріс нәтижесінде келген. 2000 жылға дейін ел басқарған. Хафез Асад билігі кезінде саяси бақталастарын қудалаған.
2000 жылы Хафез Асадты арнайы кесенеге жерлеген. Оның алдында осы кесенеге 1994 жылы жол апатынан қаза тапқан үлкен ұлы Басиль жерленген.
- Израиль Сирияға 480 соққы жасап, тағы біраз аумақты басып алды (фото)
- Сириялық бүлікшілер Мұхаммед әл-Баширді уақытша премьер-министр қызметіне тағайындады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2199305-siriiada-bashar-asadtyng-akesining-kesenesi-orteldi-video/