АҚШ Қызыл теңіздегі әскери ұшағын абайсызда атып түсірді

АҚШ Йемендегі хусит бүлікшілерін атқылау кезінде өзінің FA18 әскери ұшағын абайсызда атып түсірді. Бұл туралы KAZ.NUR.KZ RBC сайтына сілтеме жасай отырып хабарлайды.

АҚШ қарулы күштері орталық қолбасшылығының мәліметінше, Қызыл теңіздегі USS Gettysburg крейсері қателесіп кетіп, америкалық FA18 әскери джетін атып түсірген. Абырой болғанда, әскери ұшақтағы екі ұшқыш дер кезінде секіріп үлгерген, бірақ олардың біреуі жараланған.

АР агенттігі осы оқиғаны Йемендегі хусит бүлікшілеріне қарсы "Өркениет қалқаны" операциясы басталғалы бергі алғашқы ірі қателік деп атады. Құрама Штаттар бүлікшілерге қарсы әскери операцияны бір жыл бұрын бастаған.

Америкалық әскерилердің FA18 джетін не себепті жау ұшағымен шатастырып алғаны әзірге белгісіз. Осы оқиға Қызыл теңіздің кеме қозғалысына қауіпті аймақ екенін тағы көрсетті. АҚШ бастаған халықаралық коалиция әрекетіне қарамастан, хуситтер теңізде үнемі шабуыл жасап тұрады.

USS Harry S. Truman Қызыл теңізге 15 желтоқсанда жеткен. Содан бері АҚШ хуситтер орналасқан аймақтарды қайта-қайта атқылап жатыр.

21 желтоқсанда АҚШ орталық қолбасшылығы Йемен астанасы Санадағы зымыран қоймасы мен қолбасшылар бекетін атқылап, Қызыл теңізде бірнеше дрон мен қанатты зымыранды атып түсіргенін мәлімдеген.

Мәтіннен қате тапсаңыз, бізге жазыңыз