ТАСС: Трамп Украинадан бас тартып, Латын Америкасына шүйлігуі мүмкін
Опубликовано:
АҚШ-тың жаңа сайланған президенті Дональд Трамп билікке келген уақытта Украинадан бас тартып, Латын Америкасындағы елдерге шүйлігуі мүмкін. Бұл туралы KAZ.NUR.KZ ТАСС агенттігіне сілтеме жасай отырып хабарлайды.
Агенттік "Ресей 2025-2045: жаңа геосаяси ақуалдың сыртқы көрінісі" деп аталатын баяндамада осындай болжам жасалғанын жазды. Зерттеуді Прогрессивті саясат қорының директоры Олег Бондаренко бастаған ұжым жариялаған.
"Украин жанжалына шешу мәселесіне келер болсақ, Трамп Ресеймен өзіне тиімді, Украинаны жерге қаратпайтындай келісімге келеді, не болмаса Украинаны Еуропаға ығыстыра салады", - деп есептейді зерттеу авторлары.
Баяндамада Трамп "Монро доктринасын" қайта жаңғыртуға күш салып, Батыс жартышардағы дос емес державаларды ығыстыруға күш салуы мүмкін деп болжаған. Зерттеу авторлары осындай елдердің бірі ретінде Венесуэланы атаған.
Осыдан екі ғасыр қабылданған Монро докринасы АҚШ-тың сыртқы саясаттағы қағидаларын айшықтайтын құжат. Басты қағидасы – Америка америкалықтар үшін.
АҚШ пен Венесуэла қарым-қатынасы жақсы емес. 2013 жылы Уго Чавес қазасынан кейін билікке Николас Мадуро келген. Құрама Штаттар Мадуроны оппозицияны күшпен басты деп айыптап отыр. 2025 жылы Венесуэлада президент сайлауы өтуге тиіс.
Дональд Трамп биыл күзде президент сайлауында жеңіске жетті. Трамп инаугурациясы 2025 жылғы 20 қаңтарда Вашингтондағы Капитолий ғимараты алдында өтеді.
Президент сайлауы қарсаңында Дональд Трамп Украинадағы жанжалды шешуге уәде берген.
- БАҚ: КХДР Ресейге қосымша әскер мен техника жібергелі жатыр
- "Опық жейді": Путин Қазанға жасалған шабуылды жауапсыз қалдырмайтынын ескертті
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2204180-tass-tramp-ukrainadan-bas-tartyp-latyn-amerikasyna-shuiligui-mumkin/