АҚШ-та ұшақ өзенге құлады: кем дегенде 18 адамның денесі табылды
Опубликовано:
Вашингтон әуежайының маңында ұшақ пен тікұшақтың соқтығысуы салдарынан кем дегенде 18 адам қаза тапқан. Марқұмдардың денесі Потомак өзенінен шығарылған, деп хабарлайды KAZ.NUR.KZ CBS басылымына сілтеме жасап.
Басылымның полициядағы дереккөзге сілтеме жасап жазуынша, әзірге ұшақ апатынан аман қалған адамдар табылмаған. Құтқару-іздестіру жұмыстары жалғасып жатыр.
Өзенге құлаған ұшақ бортында 64 адам, тікұшақ бортында үш әскери қызметші болған.
Естеріңізге сала кетсек, бүгін таңертен АҚШ-та Вашингтон әуежайына жақын жерде шағын ұшақ әскери тікұшақпен соқтығысып, Потомак өзеніне құлағанын хабарлаған едік.
Құлаған ұшақ тиесілі American Airlines әуекомпаниясының өкілдері әуе кемесі Канзастан Вашингтонға бағыт алғанын мәлім етті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2216471-aqsh-ta-ushaq-ozenge-qulady-kem-degende-18-adamnyng-denesi-tabyldy/