Украинадағы жағдай: АҚШ-Ресей келіссөздерінің екінші раунды қашан өтетіні белгілі болды

АҚШ президенті Дональд Трамп Украинадағы жағдайды реттеу бойынша Ресей-АҚШ келіссөздерінің екінші кезеңі қашан өтетінін мәлім етті.

Euronews-тің жазуынша, Трамп келіссөздердің екінші кезеңі 25 ақпанда Сауд Арабиясының астанасы Эр-Риядта өтетінін айтқан. Келіссөздердің бірінші раунды осы қалада бір апта бұрын өткен еді.

Басылым бірінші кездесуден кейін АҚШ мемлекеттік хатшысы Марко Рубионың екі жақтың да жалпы үш мақсатқа қол жеткізуге уағдаласқанын мәлімдегенін еске салады. Олар:

• Өздерінің Вашингтондағы және Мәскеудегі елшіліктерінің штаттық кестесін қалпына келтіру;
• Украина бойынша бейбіт келіссөздерді қолдау үшін жоғары деңгейдегі топ құру;
• тығыз қарым-қатынаспен және экономикалық ынтымақтастық мүмкіндіктерін зерттеу.

Бұл ретте Ақ үйдің баспасөз хатшысы Кэролайн Ливитт журналистерге берген сұқбатында Трамп Ресей мен Украина арасындағы соғысты "осы аптаның ішінде" тоқтатуға болатынына сенімді екенін айтты, деп хабарлайды The Hill.

"Президент пен оның командасы қақтығысты тоқтату үшін екі тараппен де келіссөздерді жалғастыруға ниетті және президент біз мұны "осы аптада" шеше алатынымызға сенімді", - деді Левитт.

Естеріңізге сала кетейік, 18 ақпанда Эр-Риядта Украинадағы жағдайды реттеу бойынша келіссөздер өткен еді. Оған Ресей, АҚШ және Сауд Арабиясының делегациясы қатысты.

БАҚ кездесудің 4 сағатқа жалғасынан хабарлады. Ресейлік тарап келіссөздерді "конструктивті, көңілді диалог" деп атады. АҚШ тарапы бір ғана келіссөздердің жеткіліксіз екенін, алайда маңызды қадам жасалғанын айтты.