Трамп Ақ үйде ауызашар берді (видео)

АҚШ президенті Дональд Трамп Ақ үйде ауызашар беріп, мұсылмандарға арнап сөз сөйледі, деп хабарлайды ABC News арнасына сілтеме жасаған KAZ.NUR.KZ.

Басылымның хабарлауынша, Ақ үйдегі ауызашар 27 наурыз, бейсенбіде өтті. Трамп ауызашар кезінде президент сайлауында өзін қолдаған "жүз мыңдаған америкалық мұсылманға" алғысын білдірді.

"Мұсылман қауымы қарашада бізбен бірге болды - мен президент болып тұрған кезде сіздермен біргемін. Сіздер мұны білесіздер деп ойлаймын", - деді Трамп.

Таяу Шығыстағы жағдай туралы айта келе Трамп президент әкімшілігі "Таяу Шығыста ұзақ мерзімді бейбітшілікке жету үшін тарихи келісімдерге сүйене отырып, тынымсыз дипломатиямен айналысып жатқанын" атап өтті.

"Біздің бар қалауымыз – бейбітшілік", - деді Ақ үй басшысы.

Сонымен қатар Трамп оның мақсаты – барлығына жарқын болашақ сыйлау екенін айтты.

"Ақ үйде сіздерді жақсы көретін адам бар", - деді ол.

Айта кетейік, бұған дейін Трамп мұсылмандарды қасиетті Рамазан айының басталуымен құттықтаған болатын. Сол кезде ол президент әкімшілігі "америкалық өмір салтының ажырамас бөлігі – діни бостандықты қорғауға деген ұмтылысын" растайтынын айтты.

Мәтіннен қате тапсаңыз, бізге жазыңыз