Өзбекстанда мешітте жарылыс болды: қаза тапқандар бар (видео)
Жарияланған күні:

Өзбекстанның Андижан облысында мешіттегі жуынуға арналған жайда жарылыс болды. Салдарынан үш адам қайтыс болып, 10 адам жарақат алған. Өзбекстан ТЖМ қайтыс болғандар мен зардап шеккендердің аты-жөнін жария етті, деп хабарлайды gazeta.uz басылымына сілтеме жасаған KAZ.NUR.KZ.
Бұл туралы Өзбекстан ТЖМ баспасөз қызметі хабарлады.
"Мирзо Улугбек" махалла ғимаратындағы газ-ауа қоспасының жарылысы дүйсенбі күні сағат 12:19-да болған. Бастапқыда алты адам зардап шеккені туралы айтылған, артынша тоғыз адам жарақат алғаны хабарланды. Жарылыс орнына екі құтқару отряды және екі өрт сөндіру-құтқару экипажы жіберілді.
Оқиға орнына облыс әкімі Шухратбек Абдурахманов, сонымен бірге төтенше жағдайлар жөніндегі министр Ботир Кудратходжаев және вице-премьер Ачилбай Раматов келген.
ТЖМ қаза тапқандар мен зардап шеккендердің аты-жөнін жария етті.
Қайтыс болғандар: М. Абдуллаев, Ж. Анваров және Б. Бурхонов.
Зардап шеккендер: Г. Тойлоков, А. Абдирайимжонов, Х. Зухриддинов, И. Рахимов, М. Маматураимов, И. Шомуродов, К. Косимов, У. Болтабоев, М. Абдурахмонов және М. Болтабоев.
Мақаланың түпнұсқасы: https://kaz.nur.kz/world/2231943-ozbekstanda-meshitte-zharylys-boldy-qaza-tapqandar-bar/
Жарияланымға реакцияңыз?
Мұнда әзірге ешкім пікір қалдырмады Тағы да оқыңыздар
Талқылауға қатысу немесе пікірлерге реакция қалдыру үшін профиліңізге кіріңіз.