Қаза тапқандар бар: Үндістанда санавиация ұшағы апатқа ұшырады (фото, видео)

Үндістанда санитарлық авиация ұшағы апатқа ұшырады. Борттағы барлық экипаж мүшесі мен жолаушылар қаза тапқан. Оқиғаның мән-жайы анықталып жатыр.

India Today басылымының мәліметінше, оқиға 23 ақпанда болған. Ранчиден Делиге пациенттерді эвакуациялаған ұшақ әуе көтерілгеннен кейін көп ұзамай Джаркханд штатының Чатра аймағында апатқа ұшыраған.

Ұшақ бортында жеті адам болған. Бастапқыда бір адамның қаза тапқаны туралы хабарланған. Апаттан кейін бірнеше сағаттан соң борттағы барлық адамның – экипаж мүшелерінің, медицина қызметкерлерінің және пациенттердің қаза тапқаны расталған.

JHARKHAND AIR AMBULANCE CRASH
Seven people, including a patient whose family took a major loan for the flight, were killed when a medical evacuation plane crashed in Chatra, India. pic.twitter.com/12pr2bGEDW

— Info Room (@InfoR00M) February 24, 2026

DW басылымының жазуынша, Үндістанның Азаматтық авиация бас басқармасының мәліметінше, экипаж "ауа райының қолайсыздығына байланысты бағытты өзгертуді сұраған". Ұшақ ұшып шыққаннан кейін 23 минуттан соң диспетчерлік қызметпен байланыс үзілген. Әуе кемесі орманның түкпіріне құлаған.

Билік өкілдері турбуленттілік салдарынан ұшақты басқару мүмкін болмаған деп күдіктеніп отыр. Оқиға орнына авиациялық оқиғаларды тергеу бюросы да жіберілген.

A medical evacuation turned into heartbreak when a Redbird Airways air ambulance crashed in Jharkhand, killing seven people, including two pilots.

Families of the victims are now questioning healthcare access, asking whether better facilities closer to home could have prevented… pic.twitter.com/cWhtgiPghY

— The Arabian Stories (@arabian_stories) February 24, 2026

Мәтіннен қате тапсаңыз, бізге жазыңыз