БАҚ: Иран Израильдің ядролық реакторын жарып жіберетінін айтып қорқытты

Иран әскери шенеуніктері егер Израиль мен АҚШ Иран үкіметін құлатуға тырысса, Израильдің ядролық реакторына "соққы жасайтынын" айтып қорқытты, деп хабарлайды KAZ.NUR.KZ РИА Новости-ге сілтеме жасап.

Басылымның Иранның Isna ақпарат агенттігіне сілтеме жасап хабарлауынша, егер Израиль АҚШ-пен бірлесіп Ирандағы билікті құлатуға әрекет жасаса, Израильдің ядролық реакторына соққы жасайтынын айтып қорқытты.

"Егер АҚШ пен Израиль Ирандағы режимді өзгертуге тырысса, Тегеран Израильдің Димона қаласындағы ядролық реакторына соққы береді", - делінген мәлімдемеде.

Сөз болып отырған ядролық зерттеу орталығы Димона қаласының маңындағы Негев шөлінде орналасқан. Ол 1964 жылы ашылған. Орталық құрамында табиғи уранмен жұмыс істейтін ауыр су реакторы (IRR-2) бар.

Мәтіннен қате тапсаңыз,бізге жазыңыз