Франция АҚШ-қа Таяу Шығыстағы әскери базаларын уақытша пайдалануға рұқсат берді

Франция АҚШ-қа Таяу Шығыстағы әскери базаларын пайдалануға уақытша рұқсат берді, деп хабарлайды KAZ.NUR.KZ РИА Новости-ге сілтеме жасап.

Басылымның мәліметінше, бұл туралы жергілікті LCI телеарнасы Франция Қарулы күштерінің бас штабына сілтеме жасай отырып хабарлады.

"АҚШ-пен қарым-қатынасымыздың аясында олардың ұшақтарының біздің базаларымызда болуына уақытша рұқсат етілді... Бұл ұшақтар Парсы шығанағындағы серіктестерімізді қорғауға қатысып жатыр", - дейді телеарна Франция Қарулы күштері бас штабының хабарламасының мәтінін келтіріп.

Иран бұған дейін БАӘ-нің Абу-Даби қаласындағы француз әскери-теңіз базасына дронмен шабуыл жасағаны атап өтілген. Сөз Camp de la Paix деп аталатын француз әскери-теңіз базасы туралы болып отыр.

Мәтіннен қате тапсаңыз, бізге жазыңыз