Иран көрші елдерден кешірім сұрап, шабуылдарды тоқтатуға уәде берді

Иран президенті Масуд Пезешкиан елдің уақытша басқару кеңесі көршілес мемлекеттерге шабуылдарды тоқтату туралы шешім қабылдағанын мәлімдеді, деп хабарлайды KAZ.NUR.KZ РИА Новостиге сілтеме жасап.

Пезешкианның айтуынша, Иран тек көршілес мемлекеттің өзі бірінші бастап шабуыл жасаған жағдайларда ғана жауап қайтаратын болады.

"Кеңес кеше көршілес елдер Иранға өздері бірінші бастап шабуылдамаған болмаса, оларға шабуылдарды немесе зымыран соққыларын тоқтата тұру туралы шешім қабылдады. <...> Олар біздің бауырларымыз екенін бірнеше рет айттық. <...> Біз аймақта бейбітшілік пен тұрақтылықты орнату үшін бірлесіп жұмыс істеуіміз керек", - деді Иран басшысы.

Ол Иран әскери күштері елді АҚШ пен Израильдің шабуылдарынан қорғау үшін барлық қажетті шараны қабылдағанын атап өтіп, кешірім сұрады. Саясаткер бар келіспеушіліктерді "Вашингтон мен Тель-Авивтің ойыншығы болудың" орнына дипломатиялық жолмен шешуге шақырды.

Мәтіннен қате тапсаңыз, бізге жазыңыз