Иран Cыртқы істер министрлігі Таяу Шығыстағы қақтығысты тоқтатудың шартын атады

Иран сыртқы істер министрінің орынбасары Казем Гариб-Абади Таяу Шығыстағы қақтығысты тоқтатудың шартын атады, деп хабарлайды РИА Новостиге сілтеме жасаған KAZ.NUR.KZ.

Казем Гариб-Абадидің мәлімдеуінше, егер Иран билігі Тегеранға қарсы шабуылдар қайталанбайтынына сенімді болса, Таяу Шығыстағы қақтығыс тоқтатуы мүмкін.

"БҰҰ жарғысында өзін-өзі қорғауды тоқтату шарттары айқындалған, оның бірі – мұндай әрекеттердің қайталанбауы. Қорғанып жатқан ел ретінде сіз бұл агрессияның қайталанбауын қамтамасыз етуіңіз керек. Егер бұл (қақтығыстың аяқталуы – ред. ескертпесі) шешімін тапса, онда әрине, агрессия қайталанбауы тиіс", - деді ол.

Казем Гариб-Абадидің айтуынша, атыс тоқтаған жағдайда алты айдан кейін Иранға қайта шабуыл жасалса, мұның еш мәні жоқ.

Мәтіннен қате тапсаңыз, бізге жазыңыз