Иран достас елдердің кемелеріне Ормуз бұғазынан өтуге рұқсат берді

Иран достас елдерге Ормуз бұғазынан өтуге рұқсат берді. Ел билігі бұғаз тек қарсылас елдерге ғана жабық екенін мәлімдеді, деп хабарлайды KAZ.NUR.KZ РИА Новости-ге сілтеме жасап.

РИА Новости-дің "Әл-Әлям" телеарнасына сілтеме жасап хабарлауынша, Иранның сыртқы істер министрі Аббас Арагчи Ормуз бұғазы тек Иранның қарсыластары, соның ішінде АҚШ пен Израиль үшін ғана жабық екенін мәлімдеді.

"Жау басқа мемлекеттердің көмегімен бұғазды ашуға тырысты, бірақ онысы сәтсіз аяқталды. Бұғаз тек жау кемелері үшін жабық", - деді ол.

Басылым бұғаз арқылы өтуге рұқсат етілген елдердің тізімін берген Tasnim агенттігінің деректеріне сілтеме жасайды.

Агенттіктің мәліметі бойынша, бұл тізімге Ресей, Қытай, Үндістан, Ирак және Пәкістан кіреді.

Естеріңізге сала кетейік, наурыздың басында Ислам революциясы Сақшылар корпусы Ормуз бұғазын іс жүзінде кеме қатынасы үшін жапқан болатын. Одан кейін бірнеше мұнай танкеріне шабуыл жасалды.

23 наурызда Иранның Қорғаныс кеңесі Ормуз бұғазы арқылы өтудің жаңа ережелерін жариялады.

Құжатқа сәйкес, әлемдегі негізгі мұнай артериясы арқылы қауіпсіз өту құқығы Иран билігімен ынтымақтастық деңгейіне тікелей байланысты.

Мәтіннен қате тапсаңыз, бізге жазыңыз