"Артемида-2" миссиясының ғарышкерлері Жерге оралды (видео)

Бүгін, 11 сәуірде "Артемида-2" миссиясының ғарышкерлері Айды айналып ұшуын аяқтап, Жерге оралды, деп хабарлайды NASA-ға сілтеме жасаған KAZ.NUR.KZ.

NASA-ның мәліметінше, "Артемида-2" миссиясының аясында Айды айналып ұшқан "Орион" ғарыш кемесі АҚШ-тың Калифорния штатындағы Тынық мұхитына сәтті қонған.

"11 сәуірде сағат 20:07-де (Астана уақыты бойынша таңғы 5:07-де) олар парашюттардың көмегімен Сан-Диего жағалауындағы Тынық мұхитына сәтті қонды", - делінген хабарламада.

Құрамында командир Рид Уайзман, ұшқыш Виктор Гловер және миссия мамандары Кристина Кох пен Джереми Хансен бар экипаж ғарыш кемесінен аман-есен эвакуацияланған.

Ғарышкерлерді капсуладан шығарып алғаннан кейін олар медициналық тексеруден өту үшін АҚШ Әскери-теңіз күштерінің USS John P. Murtha құтқару кемесіндегі медициналық бөлімшеге жеткізілген.

Welcome home Reid, Victor, Christina, and Jeremy!

The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl

— NASA (@NASA) April 11, 2026

Естеріңізге сала кетейік, 1 сәуірде NASA "Артемида-2" миссиясының аясында "Орион" кемесін Айға ұшырды. Айға төрт ғарышкер бет алған болатын.

Айта кетейік Айға соңғы рет адам 1972 жылғы желтоқсанда Apollo 17 миссиясы аясында ұшырылған болатын.

Мәтіннен қате тапсаңыз, бізге жазыңыз