20 бала көз жұмды: Угандада мектеп автобусы апатқа ұшырады

Уганда балаларды таситын мектеп автобусы жол апатына түсіп, салдарынан 20 бала және 1 ересек адам көз жұмды. Оқиғаға қатысты полиция пікір білдірді, деп хабарлайды KAZ.NUR.KZ.

Уганда полициясының өкілі Майкл Кананура Х желісіндегі ведомствоның ресми профилінде білім беру экскурсиясы кезінде Сипи сарқырамасына бару үшін жолға шыққан оқушылар жол апатына ұшырағанын жазған.

Алдын ала болжам бойынша қайтар жолда жүргізуші көлікті басқара алмай, автобус жолдан шығып, жол шетіндегі үлкен тасқа барып соғылып, аударылып қалған.

Салдарынан 20 оқушы және бір ересек адам қайтыс болды. Тағы үш ер адам және бірнеше кәмелетке толмаған түрлі жарақат алған.

Қайтыс болғандардың мүрдесі моргқа жеткізілді. Тексеру басталды.

Мәтіннен қате тапсаңыз, бізге жазыңыз