Ресей Павел Дуровқа халықаралық іздеу жариялады: оған қандай айып тағылды

Ресейде Telegram мессенджерінің негізін қалаушы Павел Дуровқа терроризмге жәрдемдесу бабы бойынша айып тағылды, деп хабарлайды РИА Новости-ге сілтеме жасаған KAZNUR.KZ.

Басылымның мәліметінше, ФСБ деректері бойынша, Telegram мессенджерінің әкімшілігі "Украина арнайы қызметтері Ресейде терактілер мен жаппай кісі өлтіруге дайындық үшін белсенді пайдаланған" арналарды, чаттар мен боттарды жоймаған.

"Украина арнайы қызметтерінің Telegram арқылы жасаған қылмыстары көптеген адамның, соның ішінде әйелдер мен балалардың өліміне әкеліп, миллиардтаған шығын келтірді.

Олардың қызметкерлері қыздардың атын жамылып, Telegram-дағы "Дайвинчик" сервисі арқылы ресейлік жігіттермен танысып, оларды алдап террорлық әрекеттерге тартқан", - деп келтірді басылым ФСБ таққан айыптарды.

Мәтіннен қате тапсаңыз,бізге жазыңыз