Жапониядағы жойқын жер сілкінісі: құрбан болғандар саны 30 адамға жетті (видео)

Жапонияның Кюсю аралындағы Кумамото префектурасында болған соңғы 10 жылдағы ең қуатты жер сілкінісінен қаза тапқандар саны 30 адамға жетті. Бұл туралы Guardian басылымына сілтеме жасаған KAZ.NUR.KZ хабарлайды.

Басылымың жазуынша, қазіргі таңда елдің оңтүстік-батысындағы сауда орталығы, қағаз фабрикасы және қираған үйлердің үйінділері астында қалған адамдарды іздеу жұмыстары жалғасып жатыр.

Кумамото префектурасы үкіметінің мәліметінше, магнитудасы 6,8 болатын жер сілкінісі салдарынан 62 адам жарақат алған.

Ресми тұлғалардың айтуынша, аймақта орналасқан Өзін-өзі қорғау күштерінің 5 мыңға жуық әскери қызметшісі бейсенбі күні ауа температурасының 35 градусқа дейін көтерілуіне байланысты зардаптарды жою жұмыстары кезінде қиындықтарға тап болған.

Олар түнде болған магнитудасы 5,8-ге тең тағы бір жер сілкінісі құтқару жұмыстарын одан әрі қиындатқанын айтты.

Желіде жер сілкінісінен кейінгі кадрлар жарияланып жатыр: онда автожолдардағы жарықтарды, қираған көпірлер мен үйлерді көруге болады.

Еске сала кетейік, 28 шілдеде Жапонияның Кюсю аралындағы Кумамото префектурасында жойқын жер сілкінісі болды. Кейбір аймақтарда цунами қаупі туралы ескерту жарияланды.

Кейіннен бірнеше жойқын жер сілкінісінен соң Aeon Mall Kumamoto сауда орталығында жарылыс болғаны белгілі болды.

Dashcam footage catches the moment a magnitude 7.1 earthquake caused the road to crack on the Kyushu Expressway near Kumamoto, Japan, with the death toll now rising to 28. pic.twitter.com/45c6ACN0fr

— Weather Monitor (@WeatherMonitors) July 30, 2026

Yatsushiro, #Japan: The 7.1-magnitude #earthquake that struck ‌southern Japan toppled houses and split open streets in the small city of #Yatsushiro, but town official #AkioMatsushita is most worried about the invisible threats from the lack of water and power amid the punishing…

— Deccan Chronicle (@DeccanChronicle) July 30, 2026

Kumamoto Japan Earthquake Damage Captured By Drone#JapanEarthquake #Kumamoto #Earthquake #JapanNews pic.twitter.com/5vgGfNAYox

— M World (@themworldnews) July 30, 2026

Мәтіннен қате тапсаңыз,бізге жазыңыз