Трамп орман өртінен шыққан түтін үшін Канадаға қандай жаза қолданатыны туралы шешім қабылдады

Дональд Трамп орман өртінен шыққан түтін үшін Канаданы қалай жазалайтынын шешіп қойғанын мәлімдеді, бірақ егжей-тегжейін айтқан жоқ, деп хабарлайды KAZ.NUR.KZ РИА Новости-ге сілтеме жасап.

Дональд Трамп шілдеде ауқымды орман өртінен бірқатар америкалық қалаларды басқан түтінге байланысты Канаданы жазалау шараларын айқындағанын хабарлады. Бірақ қандай шара қолданылатынын әзірге нақтылаған жоқ.

Президент ұшағының бортында журналистер АҚШ президентінен көршілес елді "жазалау" туралы қандай да бір шешім қабылдаған-қабылдамағынан сұрады.

"Иә", - деп жауап берді Трамп.

Саясаткер өз шешімінің мән-жайын ашып айтудан бас тартты. Ол бұл туралы ақпарат кейінірек белгілі болатынын ғана мәлімдеді.

Бұған дейін Трамп орман өрттерінен шыққан түтінге байланысты Канадаға баж салығын енгізетінін айтып сес көрсеткен. Сондай-ақ ол Канада билігін өрттің алдын алу үшін қажетті шараларды әдейі қабылдамады деп айыптады.

АҚШ президентінің айтуынша, орман өртінің салдары АҚШ-қа миллиардтаған шығын әкелді.

Мәтіннен қате тапсаңыз,бізге жазыңыз