Англияда жолаушылар пойызы рельстен шығып кетті: ондаған адам зардап шекті (видео)

Англияда жолаушылар пойызы рельстен шығып кетіп, салдарынан 20 адам зардап шекті, деп хабарлайды ВВС-ге сілтеме жасаған KAZ.NUR.KZ.

Басылымның мәліметінше, Шығыс Суссекс графтығындағы Льюис теміржол станциясының маңында үш вагон рельстен шығып кеткен. Британиялық көлік полициясының дерегінше, төтенше жағдай салдарынан бірнеше адам вагон ішінде қалып қойған. Кейін барлық 150 жолаушы эвакуацияланған.

Дегенмен олардың арасында 20 адам зардап шеккен, екі адам ауыр жарақат алған. Оқиға орнында адамдарға алғашқы көмек көрсетілген, кейбірі жергілікті ауруханаларға жіберілген.

A passenger train derails near Lewes in southeast England, with at least one carriage overturning. Emergency crews respond as no casualties are immediately reported. pic.twitter.com/0sb4ziplpI

— Al Arabiya English (@AlArabiya_Eng) August 13, 2026

Аймақтағы бірнеше теміржол бағыты жабылып, оқиға орнына жедел түрде апаттық қызметтер келіп жеткен. Ал тұрғындарға бұл аймаққа бармау ұсынылған.

Англияның теміржол жүйесін басқаратын Network Rail компаниясы пойыздың рельстен шығып кету себебі әзірге белгісіз екенін мәлімдеді.

"Біз теміржол апаттарын тергеу бөлімімен тығыз жұмыс істеп жатырмыз. Болған жайттың себебін анықтау үшін олардың қызметкерлері оқиға орнында жүр", - деп хабарлады Network Rail компаниясы.

Бұл ірі оқиға теміржол жұмысының уақытша тоқтауына себеп болды.

Aerials: A passenger train derailed Thursday in southern #England, seriously injuring two people and causing minor injuries for nine others after three carriages overturned. pic.twitter.com/PMZ4jpXM5s

— ShanghaiEyeofficial (@ShanghaiEye) August 14, 2026

Мәтіннен қате тапсаңыз,бізге жазыңыз