Уэльс ханзадасы Уильям Гарри ханзада мен Меган Маркл жақын арада АҚШ-қа қайта оралады деп болжады

The Blast басылымының жазуынша, Уильям ханзада Гарри ханзада мен Меган Маркл келіспеушіліктерге байланысты Ұлыбританияда жарты жыл да тұра алмайтынына сенімді, деп хабарлады KAZ.NUR.KZ.

Уильям ханзада Гарри мен оның жұбайы Меган Марклдың Ұлыбританиядағы ықпалын қалпына келтіру әрекеттеріне күмәнмен қарайды. Корольдік отбасының айналасындағы дереккөздердің хабарлауынша, тақ мұрагері ерлі-зайыптылардың Біріккен Корольдікте алты айдан артық тұра алмайтынына және ақырында АҚШ-қа қайта оралатынына сенімді. Уэльс ханзадасы Сассекс герцогы мен герцогинясының монархияға қысым көрсету әрекеттері сәтсіздікке ұшырайды деп есептейді.

Уильямның наразылығын Гарридің әрекеттері, соның ішінде жаңа мемуарларының жарық көруі аясында Диана ханшайымның ағасы Чарльз Спенсермен жақындасуы, сондай-ақ деректі фильм түсіруге дайындық туралы қауесеттер тарауы тудырып отыр. Инсайдерлердің айтуынша, Уэльс ханзадасы әкесі, король III Карл-дың кіші ұлына қатысты жұмсақтық танытып отырғанына таңданушылық білдіруде. Дереккөздер Уильямның Сассекстердің елден тезірек кеткенін қалайтынын атап өтті.

Мәтіннен қате тапсаңыз, бізге жазыңыз